=WISATA ETNIK CINTE BETAWI 2

Waktu	04 Desember · 8:00 - 19:00
Tempat	Objek-objek Bersejarah Di Jakarta
Dibuat oleh:	Cici A. Ilyas, Rudy Albdr
Info Selengkapnya	WISATA ETNIK CINTE BETAWI 2 Gelinjang Kalapa : Antara Aki Tirem – Wak Item AKI TIREM Dulunye Kali Tirem di daerah Tanjung Priuk jadi tempat perdagangan priuk dan bejana paling sohor. Lantaran keseringan didatengin bajak laut, Aki Tirem sebagai pengulu kampung nyang ditugasin jage keamanan akhirnye mikir, gak mungkin die bisa terus-terusan ngelawan itu para bajak laut kendirian. Die perlu sistem kekuasaan (nagara). Terus die bikin deh ape nyang disebut krajan (ditulisnye emang bukan ke-raja-an). Namanye Krajan Salakanagara. Dalam naskah kuno Sunda, Wangsakerta, juga ade ditulis, pendiri krajan Salakanagara Aki Tirem, dan raja pertama adalah menantunye nyang bergelar Dewawarman I. Mengandung kata ’Dewa’ sebenernye bukan lantaran die orang India. Gak ade peninggalan Salakanegara nyang berkesan India, baek nyang ditemuin di Bekasi maupun di Batujaya, Karawang. Kata ’Dewa’ adalah sebuah konsep tentang nyang kuase. Dewawarman berarti orang nyang paling berkuase di nagare. Sistem kekuasaannye disebut krajan. Jadi Dewawarman bukan nama titiwangsa. Dewawarman adalah jabatan paling tinggi dalem sistem kekuasaan nagare. Dewawarman sebage nomenclatur jabatan tertinggi bisa dipahamin, karena dengan penyebutan dewa pade Dewawarman mengandung dimensi spiritualistik demi pengokohan kekuasaan. Kalo sang penguasa punya kekuatan spritual tinggi, maka die juga seorang pemimpin upacara ritual. Dengan demikian proses alih kuase dengan sendirinye gak didasarkan pade keturunan. Karena itu susah dapetin kesan feodalisme dalem masyarakat Batu Jaya maupun Betawi pada umumnye. WAK ITEM Wak Item ceritanye laen lagi. Waktu jaman Kerajaan Pajajaran dulu, Kerajaan tanjung Jaya dipercaye ngelola pelabuhan Kalapa. Pengelola atau manajer Pelabuhan Kalapa disebut Syahbandar. Pangkatnye Adipati. Jadi Syahbandar Bandar Kalapa adalah Adipati Kalapa. Nah Wak item ini sebenernye si Shahbandar itu. Lantaran die selalu berpakean pangsi warna item, jadi dipoyokin atawe dikatain Wak Item. Tugas utame Syahbandar ngejage keamanan kawasan ame tugas administratif lainnye. Bisa dibilang, Syahbandarlah nyang jadi Palangdada di kawasan Bandar Kalapa atas segale nyang terkait ame Keraton Tanjung Jaya. Sebagemane nyang udeh kite tau, kawasan pantai utara jadi daerah lalu lintas laut internasional. Keadaan ini bikin Bandar (Pelabuhan) Kalapa jadi inceran banyak pihak buat coba nguasain. Tapi berkat keahlian strategi perang ame ilmu bela dirinye, Syahbandar Wak Item dibantu 20 orang punggawa berhasil ngamanin itu bandar dari segale anceman. Termasuk anceman para prompak juga. Sampe-sampe bandar Kalapa jadi mangkin terkenal di mate dunie. Hebat kan? Maka perlu deh kite tengok itu jejak mereka. Sembari kite ngunjungin peninggalan-peninggalan sejarah seudahnye. Selaen Kampung/Kali Tirem ame Menara Syahbandar, objek laen nyang bakal kite ampirin nanti: 1. MASJID AL-ALAM Mesjid tua di kawasan marunda ini suka dikenal juga ame sebutan Mesjid Si Pitung. Dibangun tahun 1527, dan dulunye pernah jadi markas pasukan Fatahillah. 2. RUMAH SI PITUNG Siape gak kenal jagoan Betawi satu ini. Die punya peninggalan bersejarah, yakni rumah panggung nyang arsitekturnye begaye Cina. 3. MUSIUM BAHARI Di sini ngumpul mulain dari replika, photo, lukisan, ampe model perahu tradisional nyang ngasih gambaran tradisi melaut nenek moyang Bangse Indonesie, 4. GALANGAN VOC Ini bangunan bersejarah abad 17 – 18 masehi. Warna budaya Eropa jadi ciri khas nyang unik di tempat ini. Kalo nanti waktunye memungkinkan, kite juga bakal mampir ke OMNI Batavia, nyang dulunye diperkirakan sebage lokasi berdirinya Keraton Jayakarta. dari situ kite lanjut ke Gereja Sion nyang dikenal juga dengan sebutan Portugeesche Buitenkerk, dibangun taon 1695. KETENTUAN PESERTA Buat nyang mau ikutan, patungannye Rp.150.000,-/orang. Dapetnye: - Kaos - Buku Panduan - Snack - Makan siang SMS pendaftaran Ke : 021-31718790 Transfer ke : BCA, 3430839933, an. Cici A. Ilyas Waktu & tempat pemberangkatan, Gd. Nyi Ageng Serang, Kuningan, pk. 08.00 WIB. Pendaftaran selambat-lambatnye 29 November 2010. Ditunggu ye... Tabe’